ელი, ელი, ლამა საბაქთანი?

570

„ელი, ელი, ლამა საბაქთანი?“

ღმერთო ჩემო, რაისათვის დამიტევე?

რატომ იბრუნე პირი ჩემგან,

რაისათვის გამიმეტე?

გთხოვდი, ამარიდე ეს სასმისი,

თუმცა იყოს ნება შენი…

შენი რისხვა და სასჯელი თავს ჩემი ნებით დავიტეხე…

მამაო…

კაცთა ცოდვებისთვის დავილეწე…

ხელები მტკიოდა, ღმერთო,

ყველგან ბნელოდა, სადაც კი გავიხედე…

ხედავ, ღმერთო?

ისე შევიყვარე ადამიანები,

ჩემი სიცოცხლე თავად გავიმეტე…

ფართოდ გავშალე ხელები ჯვარზე,

ისე შევიყვარე…

ღმერთო, მიუტევე…

რამეთუ არ იციან, რასა იქმან,

ღვთის კრავის წინააღმდეგ მახვილნი აილესეს…

სისხლი მდიოდა,

სხეული მტკიოდა,

მე ერთი ყველასთვის გავიწირე…

„ელი, ელი, ლამა საბაქთანი?“

ღმერთო, რაისათვის დამიტევე?

რატომ იბრუნე პირი ჩემგან,

რაისათვის გამიმეტე?

გადმოღვარე შენი რისხვა,

კაცთა ცოდვებისთვის მე განვიგმირე…

ადამიანო,

სასუფეველი ჩემი ჯვარცმით დაიმკვიდრე…

აღსრულდა!

მიიღე სული ჩემი,

მამაო,

მე ჩემი სიკვდილით განგადიდე…

 

ნინო ხუროშვილი

ჩატვირთვა...
malatya escort bayan mersin eskort konya escort bayan