ციტატები

ბილი გრემის ათი ციტატა აღდგომის შესახებ

ბილი გრემს ძალიან ბევრი უთქვამს ქრისტეს სიკვდილისა და აღდგომის შესახებ თავისი მრავალწლიანი მსახურების განმავლობაში. ამ ორ მოვლენას ის „კაცობრიობის ისტორიაში ორ ყველაზე მნიშვნელოვან მოვლენას“ უწოდებს. აი, ზოგიერთი მისი ციტატებიდან:

„აღდგომის გარეშე ჯვარი არავითარი აზრი არ აქვს“

„ჯვარი გვიჩვენებს იმას, თუ რაოდენ სერიოზულია ჩვენი ცოდვა და ამავდროულად, ვიჩვენებს იმასაც, რაოდენ განუსაზღვრელი სიყვარული აქვს ღმერთს.“

„ღმერთმა თავისი სიყვარული ჯვარზე დაამტკიცა. მაშინ, როცა ქრისტე ჯვარცმული იყო და სისხლი სდიოდა, ამით ღმერთი მთელ კაცობრიობას ეუბნებოდა: ‘მე შენ მიყვარხარ’“.

„რატომ იქცა ჯვარი ქრისტიანობის სიმბოლოდ? იმიტომ, რომ ჯვარზე გამოგვისყიდა იესომ და მოგვცა სიმართლე, რომელსაც ჩვენ საკუთარი ძალისხმევით ვერ მოვიპოვებდით.“

„ღმერთმა კაცობრიობის ისტორიაში ყველაზე დრამატული გადარჩენის ოპერაცია განახორციელა. მან განიზარახა თვითგანადგურებისგან გადაერჩინა ადამიანთა მოდგმა და ამისათვის მან თავისი ძე, იესო ქრისტე, წარმოგზავნა მათ სახსნელად და გამოსასყიდად. ადამიანის გამოსყიდვის საქმე აღსრულდა ჯვარზე.“

„ცოდვისმიერი სირცხვილისა და სიძულვილის შედევრი იქცა ღმერთისმიერი წყალობისა და პატიების შედევრად. ქრისტეს სიკვდილის მეშვეობით თავად ცოდვა იქნა ჯვარცმული მათთვის, ვისაც ქრისტე სწამს.“

„იესო რომ არ აღმდგარიყო მკვდრეთით, არც ერთი საღად მოაზროვნე ადამიანი არ განადიდებდა ისეთ საზიზღარ რაიმეს, როგორიცაა ჯვარი, შესვრილი იესოს სისხლით… გაუხსნელი სამარხი ვერასოდეს შეძლებდა ზეცის გახსნას.“

„ქრისტეს აღდგომამ მწუხარების შუაღამე ხელახლა შეხვედრის განთიადად აქცია. მან იმედგაცრუების შუაღამე სიხარულის განთიადით შეცვალა; შიშის შუაღამე კი მშვიდობის განთიადად აქცია.“

„ქრისტეს აღდგომამდე სულიწმიდა ცალკეულ ადამიანებზე გადმოდიოდა, რომლებსაც გარკვეულ დავალებათა შესრულება ეკისრებოდათ. ახლა კი, აღდგომის შემდგომ, ქრისტე, სულიწმიდის მეშვეობით, მკვიდრობს ყოველი მორწმუნის გულში, რათა მოგვანიჭოს ზებუნებრივი ძალა ჩვენს ყოველდღიურ ცხოვრებაში.“

„აღდგომის ძალამ სძლია სიკვდილის ‘უძლეველობას’ და გახსნა ახალი სიცოცხლისაკენ მიმავალი გზა.“

წყარო: