იცი, ვინ არის ჩემი ღმერთი?

234

სანამ შევქმნიდი ცასა და მიწას, მე ვიყავი. მაშინ, როცა დედამიწა და ყოველივე მასზე არსებული გადაივლის, მე ვიქნები. ყველაფერი ჩემს ხელთაა. მზე იმალება ჩემს ჩრდილში. მე დავამყარე დედამიწა თავის საფუძველზე და ის ჩემთა ფერხთა სადგამია. ჩემი თითით ვაღელვებ ოკეანეთა წყლებს და ჩემი სუნთქვით ვარყევ მთებს.

მე სრულიად წმინდა ვარ და სრულიად განსხვავებული. არავინ არის ჩემ წინაშე და ჩემი მსგავსი, ვისაც შეუძლია ეჭქვეშ დააყენოს ის, რაც მომიმოქმედებია ან რასაც მოვიმოქმედებ. ჩემი სამეფო მარადიულია და იარსებებს სამარადჟამოდ. მე ვარ მიწიერ მეფეთა მმართველი. მე ვარ მთავარი მშვიდობისა. მე ვარ მეფეთა მეფე. მართალი მეფე. მეფე იუდეველთა. დიდების მეფე. საუკუნეთა მეფე. მეფე ზეცისა. მე ვარ უფალთა უფალი. მე ვარ ღმერთი აბრაამისა, ისააკისა და იაკობისა. მე ვარ იაჰვე ირე – „უფალი გამოაჩენს.“ მე ვარ იაჰვე რაფა – „მკურნალი ღმერთი“. მე ვარ იაჰვე მკადეშ – „მე ვარ განმწმენდელი“. მე ვარ იაჰვე როჰი – „მე ვარ შენი მწყემსი“. მე ვარ უზენაესი ღმერთი, შენი განმათავისუფლებელი, შენი გამომსყიდველი და მხსნელი. მე ვარ შენი ფარი და შენი ძალა და დამცველი. საუკუნო და მარადიული ღმერთი.

მე ვარ ალფა და ომეგა, დასაწყისი და დასასრული. ჩემამდე არ გამოსახულა ღმერთი და ჩემ შემდეგაც არ იქნება. მე ვარ უფალი და არ არის ჩემ გარდა მხსნელი. არ არის სხვა ღმერთი. ანგელოზები თაყვანს მცემენ ჩემი ტახტის წინაშე. არ მივცემ სხვას ჩემს დიდებას და ჩემს ქებას – კერპებს. მე ვარ ეჭვიანი ღმერთი და შთანმთქმელი ცეცხლი. მე ვარ ცათა მხედრობის უფალი და ჩემ წინაშე სამეფონი ირყევიან, მეფენი ქედს იხრიან. მე ვარ შენი თავშესაფარი ქარიშხალში, მე ვარ ნუგეში განსაცდელში მყოფთათვის. მე მოვედი, რათა ვახარო შეჭირვებულთ, გამოვუცხადო ტყვეებს თავისუფლება და პატიმართ – ბორკილების ახსნა.

მე მოვედი, რათა მოგცეთ სიცოცხლე და სუნთქვა. მოვედი, რათა გაიგოთ ჩემი უსაზღვრო სიყვარულისა და უსასრულო სიკეთის შესახებ. ჩემი განუზომელი წყალობისა და ამოუწურავი მადლის შესახებ. ჩემმა მიტევებამ არ იცის საზღვრები და მე ვღებულობ ადამიანებს ისეთებს, როგორებიც არიან. ჩემთვის სულ ერთია კანის ფერი, ეროვნება, სიღარიბე და სიმდიდრე, ჩემში შენ წმიდა ხდები და ჩემი მეშვეობით განწმენდილი ხარ. მე ვარ აღუწერელი, ჩაუწვდომელი და უძლეველი. ზეცანი ვერ იტევენ ჩემს დიდებას და სიკვდილს არ შეუძლია ჩემი შთანთქმა. ყველა მუხლი მოიდრიკება ჩემ წინაშე და ყველა ენა აღიარებს, რომ მე ვარ დიდებული „მე ვარ“. ყველა ენა აღიარებს, რომ მე ვარ ღმერთთა ღმერთი.

 

რედაქტირება: მანანა ტვინიკაძე.

ჩატვირთვა...